لماذا الاطفال جميلين و رسالتي لجمهوري الذي ينتظرنا نفرحهم

شوف الاطفال رمز البراءة والجمال والحياة بكل بساطة هنن بيذكرونا بالامل والبدايات الجديدة وبأجمل صور النقاء والصفاء اللي ممكن نشوفها بالعالم كله وبيمثلو مستقبلنا وكأنو مرآة صافية بتعكس أحلى أحلامنا وطموحاتنا فيهم

الشب والبنت بيحملو حلم الابوة والامومة بقلبهم من صغرهم يمكن بشكل لاواعي هالحلم هو جزء من هويتهم بيكملهم وبحسسهم بالانتماء لما يفكروا انو يكون عندهم طفل بيحسوا بمسؤولية كبيرة ولطيفة بنفس الوقت بتزيد من قيمتهم ووجودهم بالحياة

الطفل هو بيجمع العيلة على الحب والحنان لما يجي طفل على البيت بتصير الضحكة صوت مألوف والسعادة بتصير إلها معنى جديد وجوده بملأ الفراغ وبخلق جو من الدفئ والسكينة وبيخلي كل افراد العيلة يتقربوا من بعضهم اكتر

وجود طفل بحياة أي زوجين هو إنجاز عظيم بكمل الصورة وبخلي القصة أعمق وأغنى هو رابط قوي بخلي علاقتهم أقوى وأكثر ثباتًا وبيساعدهم يكتشفوا جانب جديد من شخصيتهم وقدرتهم على العطاء والحب بدون حدود

الاطفال بيجلبوا الفرح والسعادة حتى لو كانوا غريبين عنا مجرد رؤية طفل عم يضحك أو عم يلعب بتعطي شعور جميل وغريب بيخلينا نبتسم من قلبنا هاد الشعور يمكن يكون من أغلى اللحظات بالحياة اللي بتخلي يومنا أحلى

في حب خاص للأطفال بتلاقيه بعيون الكبار لأنهم بيشوفوا فيهم امتداد الهم وبشوفوا روحهم ونفسهم بجيل تاني هاد الشعور هو شعور بالخلود وبانك جزء من دورة الحياة وعم تترك بصمة حلوة بهالدنيا من خلال هالروح البريئة

الأطفال هم مصدر غير محدود للطاقة الإيجابية بلمعوا بكل الأماكن وبيغيروا الأجواء تماما يمكن يكونوا صاخبين بس صخبهم هو لحن جميل ووجودهم هو نعمة كبيرة بتحسسنا بالامتنان لأبسط الأمور بالحياة وبتخلينا نعيشها بكل حماس وفرح

الأطفال بذكرونا بأيامنا الحلوة لما كنا صغار وببراءتنا وبكل شيء بسيط وجميل بهالحياة وجود طفل بذكرنا بأحلامنا الكبيرة اللي نسيناها بوسط زحمة الحياة وكمان بذكرنا بأول مرة اكتشفنا فيها العالم وأول مرة ضحكنا من قلبنا هاد الشعور الحلو بالذكريات هو اللي بخلينا نحب الأطفال كتير ونكون مهتمين فيهم ونحاول نرجع جزء من براءتنا اللي فقدناها مع الأيام

الطفل هو بيعلمنا الصبر والتسامح والعطاء بدون حدود لما يكون عندك طفل بتتعلم إنك تعطي كل حبك وكل وقتك بدون ما تستنى أي مقابل هاد الحب النقي والصادق هو اللي بخلينا ننمو كبشر وبيغير فينا شغلات كتير كنا مفكرين إنها مستحيلة كمان بتتعلم الصبر على المواقف الصعبة وتتعلم إنو الحياة حلوة بكل تفاصيلها الصغيرة والكبيرة

الشباب والصبايا بشكل خاص بيحبوا يفكروا بالطفل لأنو بيمثل امتداد لهم وبكونوا متحمسين إنهم يشوفوا كيف طفلهم بيشبههم وكيف راح يكون عنده من صفاتهم وشخصيتهم هاد الشغف هو جزء من غريزة الإنسان بالفطرة وبعبر عن رغبتهم بترك أثر حلو بهالدنيا هاد الشعور بخلي فكرة الزواج وتأسيس عيلة شي مميز ومرغوب فيه وبتخلي الحياة إلها معنى أكبر

حب الأطفال هو تعبير عن الأمل بمستقبل أفضل هو إيمان بأن الحياة راح تستمر وراح تكون أحلى مع وجود جيل جديد راح يكمل المشوار كمان هو إحساس جميل إنك عم تشارك بمسيرة الحياة وعم تقدم إنسان جديد للعالم هاد الإحساس العظيم بخليك تفكر بشكل إيجابي بكل تفاصيل الحياة وبخلي عندك طموح إنك تكون أب أو أم أحسن بالعالم

الأطفال هم اللي بيخلقوا جو من البهجة والمرح حتى بالبيت العادي بحركوا الأجواء وبعطوا روح خاصة للمكان أصوات ضحكاتهم وصيحاتهم بتصير أحلى موسيقى ممكن يسمعها أي أب أو أم وجودهم هو مصدر طاقة غير عادي بملأ البيت بالفرح وبتخلي كل لحظة إلها قيمتها وبتخليك تستمتع بكل ثانية بتقضيها معهم حتى لو كانت مليانة تحديات ومسؤوليات

رسالتي جمهوري الغالي و العزيز

لجمهوري الغالي اللي بيرافقنا بكل لحظة حلوة بحياتنا حابين نشارككم خبر كتير خاص ومهم النا كلنا بعرف أسئلتكم المتكررة بالفترة الأخيرة وبتفهم فضولكم ومحبتكم إلنا وعشان هيك حابين نعلنها رسميا نعم زوجتي حامل الحمد لله وهاي اللحظة بالنسبة إلنا هي بداية رحلة جديدة ومختلفة بيه حب و فرح

بصراحة ما كنا حابين نحكي أي شي لحتى نتأكد ونكون واثقين تماما ونحب نطمنكم انو زوجتي حامل بالشهر الثالث وكل شي تمام الحمد لله والشكر لله وبصراحة هي فترة كتير حلوة مشاعر متل ما بتعرفوا التفكير بوجود طفل بحياتنا شيء عظيم كتير وبصراحة مشاعرنا مختلطة بين الفرح والخوف بس الحمد لله على كل حال

وللناس اللي عم تسأل شو نوع البيبي بحب أخبركم إننا رح نرزق بمولودة بنت ان شاء الله والخبر هاد أسعدنا كتير أنا وزوجتي بحب البنات كتير وبحس إنهم مصدر حنان ودفئ ولما عرفنا جنس البيبي حسينا بمسؤولية جديدة علينا إننا نربي هالأميرة الصغيرة أحسن تربية

بشكركم من كل قلبي على كل حبكم ودعمكم إلنا دايماً دعواتكم إلنا كانت دايماً معنا وراح تكون معنا بهالرحلة الجديدة كمان بتمنى منكم تدعوا لزوجتي تقوم بالسلامة وتكون بخير هي والبيبي وبتمنى منكم دايماً تضلوا معنا بكل خطوة من خطوات حياتنا الجديدة وصدقوني كتير متحمسين نشارككم كل لحظة بهالمغامرة الجديدة

بتمنى منكم دايما تكونوا جزء من هالعيلة الكبيرة اللي بنيناها سوأ دعمكم هو الأهم بالنسبة إلنا و وجودكم هو اللي بخلينا نستمر ونقدم الأفضل وبتمنى منكم دايما تضلوا بخير وبصحة وبعيد عن كل مكروه وبوعدكم بكل فترة ننشركم فيديوهات جديدة من هاي الرحلة السعيدة رح تضلوا بقلبي